Restoran Zora Bila…kultno kupalište Bačvice Split…

Posted in gastro gušti i ladanje u dalmaciji... on Studeni 16, 2017 by balancana

Upoznao sam mnoge vlasnike restorana pogotovo u Niskozemskoj a bome i u drugin zemjama EU…svak jema svoju štoriju…meni je jedna od najdraži gastro štorija kad se ono započme kuvat uz mater pa se onda napravi veliki iskorak i osamostali otvaranjem šesne kvartovske pizzerije u stambenoj četvrti koja sa dodatnim experimentima postaje malo drugovačija puno boja od drugi lipo misto di te gosti štuju i cijene tvoje gastro izazove…sve je to lipo do momenta dok ne dođe vrime da se triba pogledat u zrcalo i reč…gremo sad na višu gastro skalinu novu malo izazovnu…eto isprid zrcala su Sandra i Dane…odluka je pala iz stambene četvrti se spuščaju do mora di je One million $ vieuw na more, škoje, brode, picigin, domači svit, furešte di je u blizini centar Metropole Jadrana čarobni Split e tu se na kultnim Bačama jema malo više od tri miseca priselila ekipa restorana Zora Bila...prvo ča mi se dopalo je raskošno prirodno svitlo u restoranu sa fenomenalnim panoramskim pogledom na škoje i Bače…da upotribin oni poznati kliše…svitu moj vo je definitivno dobitak za grad Split…

Naš kasno popodnevni obid smo započeli sa kušanjem rose-a od jednog od pionira Hvarskog vinarstva Antuna Plančića…nismo se odavna vidili pa je pala čakula dakako o vinima a eto jušto istu večer je vinarija Plančić jemala u restoranu Zora Bila sjubjivanje njiovi vina sa delicijama od Sandre i Dane…

Ka san spomenija Sandru i Danu bija bi red da se i par rići napiše i o njiovoj princezi Mii…koliko san moga vidit Mia je alfa i omega u posluzi ma vidi se odma da je dite od rasni ugostiteja, bravo Mia moja priporuka je aj malo po svitu misec dan ovod, misec dan onod, po dobrin restoranima usavršaji se jerbo je vo tek početak jedne lipe obitejske gastro štorije mater i otac su mekli fundamente a tebi sa njima nek je sa srićon…mukotrpan je put do vrhunskoga restorana ali tvoji roditeji i ti morete napravit gastro čuda…nemoj mi zamirit da te guran u posal ali san onako iz prikrajka peška da jemaš mota i to bi po meni tribala usavršit…

Malo smo sa Danom čakulali o idejama, novitadama, gastro izazovima kako, ča i kad ali neču ništa špijavat znan puno ali van nesmin reč…ka dođe vrime onda če Sandra Dane i Mia otkrit svoje gastro adute na dobrobit svih gostiju koji vole fine gastro užitke i onu pravu atmosferu koja je svima draga ka izađeš vanka i vratiš se doma priko zadovojan…

Započeli smo sa Tajlandskom juvon od pomidora sa pinkicu kokosa i đumbira prava pikantna krasotica…drago mi je da se mogu kušat i za nas egzotična jela…na karti san vidija Japansku ramen juvu to je sad veliki hit u Amsterdamu ramen juve od piletine, puretine, ribe i vega  bravo za to triba svega pomalo kušat svit je posta globalno selo…ali je ipak važan naglasak na osobnost restorana i domače ponude vina a tu se u Zore Bile postigla ravnoteža…

Ja san gušta u domačoj talijateli neri sa škojkama, račičima, krakovima hobe i par raki uz reducirani brujet koji je bomba, osobno ga još više reduciran da ga mogu rizat na bokuniče, ma ovi je bija taman toliko tekuč da se manistra more slasno “šporkat”.

Ona je guštala u tri mini burgera od entrecote bija je pinkicu veči zalogaj nima veze i ja san kuša jedan bokunič…meso vrhunsko pecivo ostaje suvo brez da se ostaci krvi cide ma tako i triba…

Panecota da roza a sa strane coulie od malina, čikolata…kaže mi Ona da je bilo ajme…

Ja san gušta u kolaču od karote sa bilon čikolaton tajanstveni zamagljeni pjat divota za nepce i oko…

Pijuckala su se Petračeva Karizma 2015e i Malvazija Montiron Medea 2016e…priko lipo i pitko isto ka i spiza koja je jestiva…ha ha…dosta mi je bilo slikovnica koje su samo jednin dilom jestive triba kuvat u temu je cila filozofija…

Imali smo zadovojstvo da smo jušto kod našeg dolaska sili za stol sa Antunom Plančićem velikin Meštrom od Hvarskih vina zajedno smo kušali njegov rose od 100% Plavca maloga…divota bravo… svitu moj nova etiketa sa rednin brojen boce a i točna količina vina iz godine berbe sve to daje posebni timbar boljoj informiranosti da konzument zna koje vino i koliko ga je proizvedeno bravo…

Istu večer je bila poznata Hedo Srijeda di su se delicije restorana Zora Bila sjubjivala sa Plančićevin Hvarskim krasotama…

Bravo naši judi gremo daje u nove eno – gastro izazove bilo nan je priko lipo…

Oglasi

Jesenje guštanje na našeme Hedo Raju na Škoju…

Posted in gastro gušti i ladanje u dalmaciji... on Studeni 13, 2017 by balancana

Evo je deboto polovica studenoga krajnje je vrime da posijen i posadin čagod verdure.

Život nan se u zanje vrime malo iskomplicira tako da nismo mogli napravit pravu regulu našega guštanja, rekreativnosti i hedonizma.

Situacija se pomalo minja tako da se ponova vatan guštanja. Od velike suše su se mlade loze osušile uspija san spasit samo pet čokota jušto isprid kapunjere to če nan bit za odrinu.

Masline su podbacile vrlo mali plod samo san napravija finu kremu od zeleni maslina. Tribalo je zalivat ali ka je rezervar prisušija onda je sve išlo na inkanat.

Idemo pomalo sa dodatnin radovima uskor0 bi se moga uvatit sređivanja odrine uz često održavanje parcele jerbo priroda buji i triba navrime sve podrizat i slagat na suhozide to se pokazalo vrlo praktično i šesno za vidit, tako da san na ti način stvorija prepreku za prolazak turista a usput je i zgodno misto di se mnoge male beštije mogu sakrit i di tice saviju gnjizdo.

Ma vo nije posal vo je nama gušt obitavat na morskem zraku. Živi se samo jedan put.

Ma neka dura dok dura.

Konoba Vlade Perišina u portu Kaštel Kambelovca…divota…

Posted in gastro gušti i ladanje u dalmaciji... on Rujan 18, 2017 by balancana

Svitu moj vako šesne konobe sa iskonskon dušon nisan odavna vidija…ma znate li vi ono kako bi naš svit reka eto ovod je pravi domači đir.

Stasala je i nova generacija vinara pod budnin okon oca mladi naraštaj uči sve finece pravjena krasni Kaštelanski vina. Vo je za primjer i drugin famejama da se uvate priko svoji OPG-ova ve tradicijonalne lavure i stvore dodatne vridnost za sebe i za društvo.

Ka je prid ovo lito otvorena butiga od vina pokazalo se da je bija pogodak u sridu… kušavanje, razgledavanje, prodaja na kučneme pragu e to je svitu moj pravi put kojem bi od srca volija da se pridruže i drugi vinari Kaštela tako da se ta priko lipo zamišjena ideja koja je za sad samo na bokun karte pod radnin nazivom Vinska cesta Kaštela i ostvari…Vlado je ka prvi započeja ajdemo Kaštelanski vinari otvorite i vi vrata od vaši konoba.

Neizostavna španjčera od Vlade je pripoznatjiv znak Kambelovca pogotovo ka je Fešta od boba di je Vlado glavni animator i pokretač eno-gastro fešte…ajme da je još vaki judi di bi nan bija kraj.

Mali pult, škancija, par katriga, jedna bačva i to je to…kušavanje i prodaja more počet…

A u bačvama mladi mošt kuva i kuva…

Svudi su interesantni detaji…vo lito su ovod bili Ameri i Englezi ispale su in oći od svega lipega ča je za vidit i za kušavat…

Prid nama je svitla budučnost vinarstva i vinogradarstva…drago mi je da se pod Kozjakom sve više krče i sređuju vinogradi eto niki novi vrlo pozitivni vitar je zapuva…bravo vinari i vinogradari samo nas kvaliteta more odvojit od ostatka svita…

Šijuni za pritakanje…Kaštelanskega Crljenke aka Zinfandela…vrhunac…

Evo ga Pošip vrhunsko vino…neće mi Vlado zamirit da san ga fotka isprid Kaštilca u Gomilici umisto isprid Cambijeve kule…

Eve i malo simbolike…zamisao je bila da se od Kaštilca započme sa vinskon ceston uz more od konobe do konobe…iskreno se nadan da če se i drugi vinari počet pripremat i da dogodine zaživi va priko lipa inicijativa…fala in…

O’Š KOLAČ…Tea Mamut je otvorila svoju priko slatku butigu…pastry shop…

Posted in gastro gušti i ladanje u dalmaciji... on Svibanj 29, 2017 by balancana

Drago mi je da san jedan od rijetkih, ne računajuči familiju od Tea Mamut, koji je pratija njezino gastro školovanje. Godinama je Tea pisala svoj slatki gastro blog a ja san sa ovin mojin blogon pinku čirija u njezin svit a Tea u moj.

Sa mojon čeron je dugo godina bila u gastro kontaktu obe dvi su postry “zaluđene” sa svojin blogovima. Tea je dalje studirala a moja čer, diplomirani nutricista, se uvatila materistva jerbo se sa četiri sina nija lako vatat kužine i experimentirat sa slasticama.

Tea je nastavila i završila vrlo prestižnu skulu u SAD-u onako po domači rečeno Harvard za Pašticijere.

Nakon stažiranja u vrhunskin slakin kužinama ovega svita vratila se doma a ča je docnije bilo doma svi znate, priko restorana, TV emisija,  doša je za Teu onaj pravi trenutak u životu da u svojoj butigi pokaže sve ono lipo ča je godinama učila i razvijala svoj kreativnost.

Split i Dalmacija če sigurno bit ponosni da je Tea odlučila u svome gradu otvorit svoju slaku butigu.

Tea ima puno planova da bi se nivo pašticijerstva u Dalmacij diga na visoki nivo. Tu če bit suradnja sa hotelima restoranima, školovanje mladi pašticijera, pop up projekti, inovacije, brandiranje projekta O’Š KOLAČ ma ima tu puno ideja koje če se polako razvijati.

Ali danas je fešta danas je otvorenje butige, danas se gušta a sutra počima posal i kreativnost.

Fala Tea za vrhunske slake zalogajčiče i bibite a tebi fala Marko za lipe “slane” zalogaje bilo nan je priko lipo.

 

Jesen na škoju…a usput i moji trudi…

Posted in gastro gušti i ladanje u dalmaciji... on Studeni 13, 2016 by balancana

Pokušavan uvatit vrimena da budem na škoju dva puta na šetimanu. To mi je najbolji ritam dolazaka da bi moga kontrolirat prirodu kod rasta trave, žbunje i ostaloga. Uvik ta vječita borba sa elementima ma ja ovod na škoju pravin korekciju a priroda nek nastavlja sa svojin životom. Ima tu dosta posla pripreme su več napravljene za mini mini vinograd, odrinu, agrume, smokvu, šipak, oskorušu i ukrasno Med žbunje i bilje.

Livo i desno san postavija tzv. ekološke zidove tu su ostaci granja i trave koji se poslažu i stvaraju idealno misto za staništa ptica i ostali mali beštija a usput je i prepreka onima koji hodaju na dvije noge i ne poštuju privatno vlasništvo. Evo fotki kako je na škoju zadnji šetimana.

img_8988 img_8989 img_8991 img_8992 img_8993 img_8998 img_9001 img_9002 img_9026 img_9027 img_9031 img_9039 img_9044 img_9081 img_9086 img_9087 img_9089 img_9090 img_9097 img_9259 img_9263 img_9264 img_9269 img_9273 img_9279

 

After jematva party…Vinarija Krolo…

Posted in gastro gušti i ladanje u dalmaciji... on Listopad 10, 2016 by balancana

Ima dana ka bi čovik tija da mu nikad ne dođe kraja, eto tako nan je bilo deseti desetoga 2016e popodne u Strmendolcu kod Vinarije Krolo. Sa ka je prošla jematva i ka su se ugostiteji pinkicu odmorili od naporne turističke sezone je pravo vrime za opuštanje i zajedničko druženje.

img_7239 img_7240 img_7241 img_7242 img_7245

Veliko fala Fani Tomaš PR manageru Vinarije Krolo koja je sakupila raznoliku grupu entuzijasta koji su prisutni u vinskome svitu i ugostitejstvu da se na jedan ugodni način upoznaju sa vinifikacijon kod Vinarije Krolo uz ugodno kušavanje pod kanelu i osjete vonj kvalitete i tradicije Vinarije Krolo.

img_7246 img_7247 img_7248 img_7249 img_7250 img_7251

Doli na kraju imanja se nalazi vinograd na dva hektara plodne zemje koja je prije sadnje vinograda pomno ispitana. Svi pokazateji su bili da bi u ovoj dolini di jema dosta zemje korjen moga duboko da se spusti u potrazi za mineralima i svin onin ča je potribno za ekološki rast vinove loze. Lokalit se pokaz ka stvoren za uzgoj vinove loze.

img_7252 img_7253 img_7254 img_7255 img_7256

Iako su poneki bili skeptični poradi ove lokacije koja u rano promaliće jema dosta jutara sa slanon a to je največa napast mladin izbojima vinove loze ma Dražan Krolo je bija uvjeren da je ovo izvrsna lokacija koja jema pozitivnu mini klimu naspram ostalih vinograda u okolici Trilja. Ta klima zahtjeva veču brigu ali to Dražanu nije bija problem za sadnju vinograda.

img_7269 img_7267 img_7264 img_7263 img_7261 img_7260

Nije da je često ali ipak jema ladni promalični jutara ka se mora brzo reagirat i između redova vinove loze zapalit lomače koje pinkicu dignu okolnu temperaturu i tako se spašava vinograd od slane. Dogodi se da se vrime vrlo brzo promini a to je rizik kojega triba uzest i sa njin nastavit živit.

img_7271 img_7273 img_7275 img_7277 img_7278 img_7280 img_7282 img_7283 img_7284

Posebni problem je uzgoj Crljenka Kaštelanskoga ma u vinogradima koji su blizu mora berba je več krajen kolovoza a ovod u Strmendolcu je krajen rujna. Največa napast su rane rujanske kiše koje ako su obilate vrlo lako nabubre bobice grozja i one lako pucaju pošto je kožica Crljenka K. vrlo tanka. Tako da je opasnost od botritisa uvik prisutna.

img_7285 img_7286 img_7287 img_7288 img_7290

img_7291

Ali kod Vinarije Krolo jema puno lipe novosti naime krajen listopada ove godine se počima sadit novi vinograd koji če jemat klimatološki gledajuči bolji položaj ti vinograd če bit jušto di su Čaporice kraj Trilja a tu je donekle utjecaj strujanja zraka sa mora prisutniji vengo iza brda u Strmendolcu. Nova četiri hektara istih sorti ka i ova postoječa dva tako da če se obim prizvodnje znatno povečat. Dakako da če se i vinarija povečat.

img_7293 img_7295 img_7298

Bravo za Vinariju Krolo pogotovo ka su se iz Bordeaux-a vratili sa brončanon medajon za njiov Cabernet ma moš mislit Cabernet iz Strmendolca dobija medaju u pradomovini Cabernet-a. To je isto tako ka bi naprimjer hokejaši na ledu iz Jamajke na Zimskoj Olimpijadi dobili broncu.

img_7300 img_7301 img_7303 img_7305 img_7308 img_7310

Kušavali smo stara i nova vina a meni je uvik posebno zadovojstvo ti priko lipi i priko pitki gusti Crljenak Kaštelanski a bome i cila štorija okolo njega sa Zinfandelon, Dobričićem, Tribidragon, Plavcen Malin i Primitivon je meni toliko zanimjiva da uvik koristin priliku za usporedbe i dodatne gušte. Krolin Crljenak K. mi je na samome vrju te štorije pogotovo ka znan da se uzgaja na nezahvalnome klimatskom području a triba mu puno brige i pažnje da bi se razvija u vrhunsko vino.

img_7314 img_7315 img_7316 img_7321 img_7322

Ma nije se samo kušavalo mater Karolina Krolo i lipa čer Lana koja polovicon studenoga donosi malega nasljednika su spravile krasan obid. Mater se malo brine za čer ali nima problema Lana je fajter i drži se fenomenalno. Dabame započeli smo sa pršuton, sirom i neizostavnin lokalnin uštipcima, krasna juva koju su ona tri kuvarska Chef-a pofalila a nakon juve pašticada sa domačin njokima eto sve smo zalivali kako ko sa rose-om, Cabernet-on, Crljenkon, Merloton…ma bilo je svega.

img_7324 img_7325 img_7326 img_7329 img_7330

I na kraju prekrasni kolači i torte sa kavicon i likerima.

img_7331 img_7333 img_7334 img_7336 img_7340 img_7345 img_7349 img_7352 img_7354 img_7356 img_7359 img_7361 img_7363 img_7365 img_7370

Familija Krolo fala van na oveme priko lipeme danu, naučili smo puno tega, kušali smo puno tega i sklopili smo nova poznanstva…Fala in…

 

 

 

Vino u sridu…vinarija Krolo…

Posted in gastro gušti i ladanje u dalmaciji... on Rujan 19, 2016 by balancana

img_5103

U zanje vrime se je u gradu Splitu puno tega u gastronomiji i štovanju vina prominilo. Otvorene se nove betule i vinski barovi, raznorazne vinske radionice i slične manifestacije a cili Get je pretvoren u restoran na otvorenome. Ovaki tempo razvoja takega posla nedovojno prati školovanje potrebitega personala.

img_5102

Restorani se snalaze kako znaju, iz skule izlazi puno manje školovani kamarijera, kuvara i somelijera vengo je potražnja. Restorani zapošjavaju studenate oli mladi poletne jude iz drugih dilova naše nan Domovine.

Ova ekipa sastavjena od jubiteja vina i znalaca te materije je započela edukacijski ciklus za restorane, oštarije i ostale betule da bi za svoje poslužno osobje dobilo osnovna znanja o serviranju, sjubjivanju i primarnome znanju o vinima.

img_5098

Nije to lak posal osobno znan da je nivo posluge u restoranima na vrlo niskome nivou ma vlasnici bi tribali investirat u radni potencijal jerbo sa tin stvaraju i sebi mogučnost večega prometa jerbo znanje i primjena tega znanja generiraju veči promet. Konzument je voljan platit i veču cinu ako vidi da iza cile štorije stoji znanje i ozbijnost.

img_5094

Ove večeri u atriju Graskoga Muzeja je bila puno lipa večer eto u informalnoj atmosferi se daju osnovne informacije i nakon tega je ugodno druženje. Osobno bi par stvari nadoda pošto je to cilovečernje događanje nebi bilo zgorega da se na katrige i banke meknu šesni kušini da gostima bude pinkicu ugodnije.  A i zalogajčići bi tribali bit maštoviti i posebni. Ajde to je meni važno jerbo je to profesionalna deformacija. Ma na stole extra meknit samo par pijadela sa domačin kruvon i sa par pijadela maslineva uja bi bilo dovojno. Sve u svemu fala vridna inicijativa.

img_5093

O Krolinin vinima je puno tega pisano ali vaja napomenit da su ova vina sa najsjevernijega dila Dalmacije i jedna o ritkih vinograda u Dalmaciji di vinogradar na promaliće triba vodit računa o jutarnjeme mrazu u vinogradu i na vrime zapalit lomače da bi se spasija vinograd. Nadaje triba napomenit da je zrijanje grozja na tin položajima i rizik pošto je kasna berba a lito je na izmaku a ipak nepredvidiva jesen je tu prid nama.

Dražan Krolo je vrsni vinogradar i vinar koji je iz kamena i škrte Dalmatinske zemje uspija napravit par krasnih vina, meni je veliko iznenađenje njegov Crljenak kojega je tako kvalitetno spravija da je posta pravi unicum.

Ali njegovat Crljenak nije baš ni lako jerbo na tin položajima u vrime prid jematvu more jedna obilata kiša sve uništit pošto bobice nabubre a kožica Crljenka je nježna i eto ti botritisa a s tin puno belaja.  Inšoma, ka se zna da obitej malega Plavca voli pogled na more a iz Strmendolca ga nima ni za lik onda je to još dodatni konpliment vinariji Krolo na njegoveme Crljenku. Sa nestrpljenjem čekan sadnju i razvitak novega vinograda di če bi posađeno ako se ne varan trideset ijada trsa…

img_5090

Eto sve u svemu vrlo ugodna večer a ekipi Siniši Koceiću i Alenu Gulanu želin još puno ovaki vinski srida.

img_5167 img_5165 img_5160 img_5157 img_5138 img_5141 img_5146 img_5148 img_5149 img_5129 img_5125 img_5117 img_5170 img_5110 img_5169 img_5138