još smo se nikoliko koraka primakli ka završenju lavure…

Malo pomalo dolazin do završnih radova u našeme Hedo Hramu…kužina je piturana i još samo čekan da mi meštar napravi radnu ploču od Dolita…škaline prima šufitu su lakirane, ulazna vrata isto tako a sve je spremno i za pituravanje ponistra tako da ih mogu odnit caklaru.

Sad je bitno pripazit da nan se piture dobro mogu posložit tako kad jedno završin pituravat onda se sa Njon nastavin filozofirat koja bi pitura opdgovarala uz to i tako malo pomalo gremo daje, korak po korak.

Ne usuđujen se procijenit ka bi sve ovo moglo bit gotovo ali do polovice travnja bi se moglo reč da smo na samome kraju.

Škaline su otvorene tako da se prostor u dnevnome boravku nije zatvorija a tako i triba ipak je u ciloj kući tri puta po 15 m2

Ovi okvir je za zrcalo a to zrcalo ču obisit na ovi škuri zid.

laganini…malo pomalo i eto Hedo Hrama…

E sad več ova situacija postaje ozbijna. Ja san se uvatija završnoga pituravanja…meštri su pri kraju sa svojon lavuron…a mi, Ona i ja smo zadovojni…sad je na nama dvoje da sve ča smo skupili po buvjacima da to lipo ukonponiramo u našu kamenu kućicu…neče nan bit lako jerbo je doma kod nas skupjeno previše mobilije i asesoara za opremit kućicu…Ona i ja čemo se borit ka lavovi da u kućicu meknemo ono ča nan je pri srcu…ali na kraju če ipak bit solidan kompromis ona i ja čemo tribat progucat dil naši žeja…ove fotke iz početka 60ti godin smo našli na buvjaku u Tel Aviv-u…evo san se upravo danas uvatija ukvirivat tako da je i to spremno…a oni armerun doli sa onin zrcalon straga ču ja pokušat da se postavi u dnevni boravak…ona nije baš pristalica, ma drag jon je ali bi Ona tila da bude minimalističko opremanje…ajde vidit čemo.