Arhiva za Kolovoz, 2014

Mašograd…sva lipota Dalmacije…

Posted in gastro gušti i ladanje u dalmaciji... on Kolovoz 29, 2014 by balancana

čevepi 084 hedo hram nedija 050

Ako se mene pita onda bi se cila strategija okolo turizma tribala minjat. Aj dobro za velike gradove sa puno povjesnih i šušurni događanja ma to mogu razumit ali za mala mista taka monokultura poslovanja ka ča je turizam je dugoročno ubitačna…od čovika pravi imbecile koji samo liti lavuraju i to zahvaljujuči ocu, didi, materi i babi a mlađariju to ne interesira ionako još uvik čučaju materinu sisu i čekaju da se ništo dogodi a ja in mogu reč da se ništa posebnega ne more dogodit.

hedo hram nedija 051 hedo hram nedija 055 IMG_3479 IMG_3482 IMG_3485 IMG_3488 IMG_3489 IMG_3514

 

Raznolikost života i rada je največa blagodat jednega malega mista a u toj raznolikosti je misto i turizmu. Bija san u Trogiru i Omišu prije par dana jebote pa to je za nevirovat kako je tamo liti a ka bi čovit tija čagod poist usri zime nima u Trogiru njianci jedne otvorene betule, ma jebeš tako društvo.

 

IMG_3517 IMG_3522 IMG_3524 IMG_9018 sokolana 002 sokolana 005

 

Za Kaštela je sva srića da su na vlasti nakon rata došli papani tako da je bar ča se tiće turizma stvorena sredina di su furešti samo mali dil mista a to i je kvaliteta. Vidit čemo kako če se to razvijat ma vidija san svita ali svudi di je monokultura tu nima života zato Kaštelani budimo sritni da je ovod ovako kako je. Nemojmo se zalečivat sa ciframa ovoliko oli onoliko ijada noćenja ajmo pamet u glavu i nastojat da se sve to limitira ali prvo triba Grad stvorit optimalne uvjet ugodnega živjenja  za domači  svit a furešti nek od tega usput profitiraju.

 

 

 

tučak 004 zalaz sunca hedo hram 008 zalaz sunca hedo hram 016 zalaz sunca hedo hram 026 zalaz sunca hedo hram 047-001 zalaz sunca hedo hram 048-001 zalaz sunca hedo hram 052

sva lipota Dalmacije…

Posted in gastro gušti i ladanje u dalmaciji... on Kolovoz 5, 2014 by balancana

Evo me opet na našeme Raju na škoju. Nakon ovih nevera i kiša koje su nezapamčene za ovo doba godine mogu samo reč da mi je to dobro došlo…agrumi i lavanda lipo restu a masline su dobile porciju vlage…mladi borovi jedno osam komada koje san nakon požara iza kapunjere ostavija da restu dobro napreduju ma sve u svemu nije ovo vrime ni loše.

IMG_1632 IMG_1633 IMG_1634

Paklene vručine su ove godine izostale, nima požara svit če manje potrošit love na struju jer se airco ne pali. Danas san odnija doli do Raja jedan radni stol od rostvraja i desetak aluminijskih valovitih ploča s tim ču napravit nastrešnicu di če bit mali kondut, kužina i sprema za ležajke i ostale rekvizite za rekreaciju…

IMG_1637 IMG_1640 IMG_1645 IMG_1646 IMG_1658 IMG_1661

ma meni nije nikad dosadno uvik se stvori niki novi projekt…ali moran požurit godine idu a tribat če na Raju i prispavat ali za to triba sredit letriku, jednu malu vjetrenjaču za struju pa onda mali frigo i rasvjeta još je togo dosta u planu…ali kako mi u Dalmacije rečemo, vrag odnija prišu, eto tribamo malo i guštat.

IMG_1642 IMG_1664-001