Ka se pita vinare koje je najboje misto za prežencu svoji vina onda se samo dva mista uzdižu…a to je Zagreb sa vinskon fešton u otelu Esplanada i Split sa vinskon fešton u otelu Radisson.
Moja malenkost je bila pozvana od ekipe koja sebe naziva Taste of Croatia da spravin šesne delicije kod njiove prežence Dalmatinska fjaka i koja bi se vina tribala pit ka je vrime o’fjake.
Ja san ka temu vazeja varenik i sa varenikon san marinira pileče rolade, kapulu i poriluk…rolada je punjena sa mladin kozjin sirem, brusnicama i suvin šljivama a sve na posteji od citronele. A rolade su spravjene po metodi sous vide…na laganoj pari 4 do 5 sati sati umotane u plastičnu foliju…svi okusi sa spoje u jednu novu dimenziju…ah,…triba provat…
Bili su tu i namazi od iskuvani pomidora sa Dalmatinskin travama i gusti namaz od mandarina, grejpa i limuna.
Eksplozija ukusa eto tako triba.
Bilo nan je lipo kušavalo se puno vina pojideno je par zalogaja a usput je servirana i porcija smija…tako i triba.
O vinima se puno pisalo ali ja bi ovod doda nikoliko fotki od jedne firme koja proizvodi Fine rakije malo je bila sa strane tako da je svak kraj njih prolazija…kad su organizatori mogli stavit u veliku salu među vina prizvođače jagoda i sokova od njih onda je tribalo bit mista i za Fine rakije i liquere…a ovaj dizajn boca i etiketa mi se posebno dopada…zato evo van fotke ovod pa guštajte.
balancana 