Arhiva za Lipanj, 2013

Kaštelansko Etno & Eko lito…

Posted in gastro gušti i ladanje u dalmaciji... on Lipanj 29, 2013 by balancana

Počeja je Kaštelanski litnji šušur, eto na Brcu u Kaštel Starome i okolnin kalama izlažu razne udruge i obrti svoje krasne proizvode. Odma da spomenen da je ova konbinacija sa pazaron i peškarijon pravi pogodak, šušur je da ne more bit boji.

Bravo za Grad ovako triba dat šansu judima da se pokažu…

Kako je počelo ovo če lito u Kaštelma bit vilovito i zabavno sa raznin ribarskin feštama i kulturnin događanjima. Lipota Kaštela je da ovod nima velikega razvikanoga turizma a ovaki turizan nan i triba nek bude ravnoteža a ne ka san u drugin turističkin mistima da ne mogu trefit domačega čovika…harmoničan turizam je prava stvar i dobar način razvitka nadajmo se da če bit mudrosti i da smo spremni dignit Kaštela na solidan nivo u kojem če se furešti osječat ka pravi gosti a domači svit sigurno uvatit koji šold od svega tega.

Ulaskom u EU se otvaraju velike mogučnosti lokalnoga razvoja. Jedna od ideja je da se u Kaštelima doseli jedno 500 bračni parova penšjunata eto svitu moj to bi bila kategorija građana sa vrlo solidnin primanjima od koga bi mnogi mali uslužni obrti pa butige od spize, restorana, vina, delicija, pazara i sl. svi bi oni jemali koristi…a da ne zaboravimo koristi i za Grad…u Kaštelima bi se stvorila jedna nova kategorija naši građana koja bi sa svojon potrošnjon dala dodatni zamah malin firmama a to i je poanta EURO integracije…

Eto svitu ovo bi moga bit jedan od puteva razvitka Kaštelanskoga turima.

A za sve one EURO skeptike priporučavan da potraže niki drugi blog…

Nek nan je na dobro stigla Europska Unija

IMG_4991-001

IMG_4992-001 IMG_4993-001 IMG_4994-001 IMG_4997-001 IMG_4998-001 IMG_4999 IMG_5001 IMG_5002 IMG_5003 IMG_5004 IMG_5005-002 IMG_5006 IMG_5009 IMG_5010 IMG_5011 IMG_5012 IMG_5013 IMG_5014 IMG_5016 IMG_5017 IMG_5018 IMG_5019 IMG_5021-001 IMG_5022 IMG_5023 IMG_5024 IMG_5026 IMG_5028 IMG_5030-001 IMG_5031 IMG_5032 IMG_5036 IMG_5037-001 IMG_5039-001 IMG_5041 IMG_5042-001 IMG_5043-001 IMG_5052 IMG_5055-002 IMG_5058 IMG_5062-001

Dalmatian slow life…Adriatic dreams…

Posted in gastro gušti i ladanje u dalmaciji... on Lipanj 25, 2013 by balancana

Sa ka je vanka lipo ugrijalo došlo je vrime da se skupi ekipa i da napravimo điradu po Trogirsko – Šoltanskome akvatoriju…vino je olađeno i svak je donija čagod za poist…a najglavnije je da je bilo puno smija i zajebancije…

Gušti da ne mogu bit veči…banjanje na po konala…banjanje u laguni Krknjaši…banjanje u jednoj skrivenoj vali…ali smo tamo u laguni ostali malo vrimena bila je vela gužva i morali smo stalno pazit da nan se ne približi koji brod…jema na moru puno navrnuti jahtaša…

I onda smo se uputili prima Fumiji i plovili pokraj konobe Duga od moga amika Đanga…i nakon svega pravac Vinišče u jednu šesnu valu tamo je mir da ne more bit veči…tri jahte su bila pod ankoru a u vali mir, ma koji mir…eto, lipa đirada napunili smo baterije i uvatili boju…ma lipo je počelo ali je ovo tek početak…gušti, samo gušti…

IMG_0871 IMG_0873 IMG_0874 IMG_0895 IMG_0913 IMG_0914 IMG_0915 IMG_0923 IMG_0973 IMG_0997 IMG_1050 IMG_1056-001 IMG_1057-001 IMG_1063-001 IMG_1097 IMG_1108 IMG_1130 IMG_1148

Lito je počelo…

Posted in gastro gušti i ladanje u dalmaciji... on Lipanj 21, 2013 by balancana

Eto nan je lito počelo, ma je da je vruče jema cila šetimana, ali ipak sa nan je ono ka ofičijale počelo…naša litnja kužina je spremna za litnje gušte, plava bara je piturana skoro puna vode tako da če bit banjanja, pogotovo kad unuci dođu na litnje ferije…ovo lito ču postat ovod malo periodično a tako i na facebook-u…lito je vilovito triba guštat u drugin stvarima…a i vama nek je lito kako ste ga poželili…

_MG_7628 IMG_1458-001 IMG_2683 IMG_3079 IMG_4160 IMG_4986 IMG_5119 IMG_5199 IMG_5201 IMG_5202 IMG_5203 IMG_5205 IMG_5211 IMG_5212 IMG_5216 iphone zoran 579-001

Konoba Intrada…Kaštel Novi…

Posted in gastro gušti i ladanje u dalmaciji... on Lipanj 17, 2013 by balancana

IMG_4438 IMG_4439 IMG_4440

Ovod se uvik vračamo, zimi sidimo u zatvorenoj teraci a liti je teraca otvorena sa nezaboravnin pogledon na Kaštelanski zaljev, Marjan i Čiovo…a na večer su gušti gledat na ijde svitli od Splita…

Još ka bi se liti obala zatvorila za vožnju autima bila bi divota, ovako nan svako malo ekipa sa čelevin glavama i sa škurin očalima u nabrijanin tonobilima kvari užinavanje…a to je ustvari samo điravanje i trošenje benzine i nepotrebno zagađivanje okoliša…ali znajuči Kaštelanske političare nima šanse da se to promini…samo se čudo more dogodit…

U konobi Intrada je odnos kvalitete, cine, usluge optimalan,..standardno brez šminke oli priseravanja…od pizze, pašticade, rižota do zubaca i škampi svega se more nač…ovo nan je buža za poist pizzu, ova moja sa pršuton i Njezina sa inčunima nan uvik lipo legnu…

Vino je Graševina kako i mirita, jerbo je u Dalmaciji malo bilega vina koje se more prodavat refužo na bocune…a ja san uvik bija pristalica integracije svi naši pokrajina…Graševino, dobro nan došla na more…

Još kad ovi fenomenalni, ali još u gradnji, otel Čipiko bude otvoren, Kaštel Novi če bit ludilo za poč vanka…sa otelom če se otvorit još više mali uslužni obrta i butiga a on če bit generator kvalitetnog turizma u Kaštel Novom…

IMG_4443 IMG_4446 IMG_4448 IMG_4450 IMG_4452 IMG_4458 IMG_4460 IMG_4465 IMG_4477

Dalmatian slow life…laganini…

Posted in gastro gušti i ladanje u dalmaciji... on Lipanj 12, 2013 by balancana

IMG_1959 IMG_2019 IMG_2032 103_0086

 

Eto nan se i lito približava dolazi vrime od lagane spize i dugi litnji večeri sa puno smija od unuka i naše dice…točanje u plavoj bari pa guštanje u spizi i bibitama…to su vrimena ka  nan život svaki dan gre u prvoj brzini i ka su nan večeri nezaboravne…

U vrtlu je dosta  friške verdure a rano grozje počima zrijat i onda nakon sušenja na suncu moja unuka i ja grozje štrukajemo i pravin prošek…evo san posta sentimentalan ali nima veze taki san…

Pome osušene na suncu ka i balancane pa smokve onda razne bibite…orahovica i listolimuneto, ajme svega  ča bit…

Ovo lito ču napravit još par šesni riceta tek toliko da ostanen u motu…ča se nas tiče lito more počet…

 

 

 

 

104_4733 107_4815-001 107_5546 107_5830 107_7943 107_9201 108_0531 108_4059 108_4159-002 108_5065 108_8180 108_8183 amsterdam 320 bukovaca 001 IMG_0013 IMG_0303 IMG_0434-001 IMG_0519 IMG_0611-001 IMG_1160

Konoba Atlantida…

Posted in gastro gušti i ladanje u dalmaciji... on Lipanj 4, 2013 by balancana

IMG_4580IMG_4209 IMG_4211 IMG_4216 IMG_4221 IMG_4222 IMG_4226 IMG_4227 IMG_4228 IMG_4232 IMG_4235 IMG_4237 IMG_4239 IMG_4241 IMG_4242

Svaki put ka  prođemo priko Matejuške vidimo onu šesnu teracu od konobe Atlantida ali nikako da nan se potrefi da svratimo da čagod prizalogajimo i popijemo koju bibitu…ma jemamo mi u Splitu naš đir tako da se to nikako nije poklopilo…

Ali ovi put ka san iša litravat Novu Rivu u povratku smo svratili…onako na brzinu smo naručili jednu pijadelu ribe, ma ne oborite vengo one koja je slaja i frigana u oštrome brašnu i koja nije plivala u uju…a riba se poslužje sa dodatkon salate od kunpira…to nan je lipo leglo iako je kapula na salati od kunpira bila puno grezo rizana ajde možda se kuvaru omaklo ali je kapula puno slaje ka je na tanko rizana…pssst ja ču otkrit jednu moju tajnu…ka je kunpir kuvan onda ga triba odma vručega izrizat i polit maslinovin ujen…a tek onda kad je vrime od naruđbe dodat sol, papar, kvasinu i malo kapule…vruči kunpir če pošpugat cilo uje i biče puno ukusnije…ali eto tako ja spravjan, ma svak svoje…

Mislija san ispočetka da če bit puno buke od auti ali sve je u redu onod se lagano vozi samo je ščeta da teraca nije barenko 15 cm visja tako da se priko kolona more komodnije gledat na brode u luci, ali ča je tu je…šesna rupa navratit čemo ponovo a i zimi mi se pari da je unutra ugodno…interjer je po našem guštu…poz…