Arhiva za Srpanj, 2015

Taverna Take Time…Split…

Posted in gastro gušti i ladanje u dalmaciji... on Srpanj 28, 2015 by balancana

IMG_0001

Gastronomska renesansa u Splitu, eto tako se more nazvat izvrstan razvitak ugostiteljske ponude Metropole Jadrana. Otvorilo se nikoliko visoko kvalitetnih restorana i to je sasvin u redu. Ali je meni puno draže da se u srednjeme segmentu ponude stvorila zdrava konkurencija di se more za relativno ne puno novca vrlo kvalitetno i ukusno jist.

IMG_0002 IMG_0003

Taverno Take Time je po meni i mome kompi izvrsno misto za užinavat. Smistila se na dno Pjace tamo di je bonbonijera od Kraša i kultna Spliska knjižara Naprijed tu van je uska kala od desetak metri e tamo na kraju kale je šesna Pjaceta tu van je Taverna Take Time.

Okružena sa nikoliko hostela Taverna je izvrsno misto za započet dan…svaki se dan ovod započima sa Dalmatinskin doručkom koji je posta pravi hit kod furešti po okolnin apartmanima i hostelima…nakon tega šesna karta za lunch…karta za večer je mala, kompaktna i raznolika…ovod triban pofalit Roberta Predraga Žmiru koji je cili gastro concept koncipira i  sproveja u praksu…bravooo…

Chef-ica kužine Sandra i njena desna ruka moš mislit nazvali su ga Hrčo ma nek mi Hrvoje Žirojević na zamiri ali san načuja da je mali pravi kogo a tek mu je devetnajst liti…u jednu je jedinu šetimanu svu recepturu savlada i Sandra ga puno fali pa sa ta uhodana ekipa radi tuta forca…taman je doša iz skule u Splitu i oče lavuravat a Šime ga pita ča si dosad radija…gulija san kunpire…e taki nan tribaju kaže Šime i malac odma postane desna ruka Sandre…i nisu falili…On van je nebrušeni dijamant…nemojmo zaboravit i divojke na strateškin mistima na dno Pjace i u Zadarskoj koje na šarmantan i nenametjiv način daju do znanja gostima da je Taverna Take Time taman pravo misto za nji…

IMG_0005-001

Sandri je puka pozitivni film i na brzinu nan je ispekla vrhunsku savijaču…jili smo je onako teplu i zalili sa bilin vinon…zagrijavanje…

IMG_0010-001

Ovod van je Kaštelansko Trogirski đir…vino je od Nevena Vuine Kaštel Štafilić…Šime poslovođa a tata – mata za sve, je iz Kaštel Staroga…vlasnik Pave je iz Kaštel Štafilića…R.B.Žmire je iz Trogira, moj kompa je iz Arbanije a moja malenkost iz Kaštel Štafilića…ma nebi ja ovod pisa hvalospjeve da mi nije po guštu. Uostalome bilo je dosta piskaranja svitu moj ova Taverna nije samo za furešte ma i kolege Chefo-vi i dragi nan vinari su našli put do Tavarne pa se malo pomalo stvara lipa ekipa koja ovod voli doč guštat…

IMG_0013 IMG_0021 IMG_0024-001

tunjevina za me…Sandra bravooo…

IMG_0025

Patron Pave i Neven u ugodneme razgovoru…

IMG_0027

ovo van je brujet a ne ono…

IMG_0031-001 IMG_0035 IMG_0043

janjeće bržole…zakon…

IMG_0048

Chef-ica Sandra i Hrčo…alfa i omega kužine…prvi put san u jednome restoranu, osin kod mene doma, gušta u vrhunskoj feti tunjevina ma naša Sandra zna kako triba…

IMG_9958-001

eno doli livo na kraju uske kale je Taverna take time…

IMG_9959 IMG_9962 IMG_9963 IMG_9970-001 IMG_9971-001 IMG_9973-001 IMG_9979-001 IMG_9988 IMG_9995-001

Oglasi