Svaki put ka gremo prima Zadru nastojimo u niko drugo misto popit kavicu, malo ga razgledat i napravit par litrati.
Danas sm u malome mistu Turanj. Ka svudi kod nas svak je radija ča ga je voja riva nije sređena kako triba sve je to onako zbrda – zdola nasuto napravjeni su mandrači na divje da bi se mogli sklonit kajići a na suvome parkirat auti ali sa mudron i pametnon politikon bi se moglo sve to lipo sredit i dotjerat da bude na dobrobit cilega mista.
Ova lipa kuća sa patinon če se uskoro preuredit u otel sa 4 zvizde tako da če i Turanj uz apartmane jemat i krasan boutique otel u centru mista…
Mi smo guštali popit kavicu i uživali smo u prekrasnome pogledu na škoje, more, jahte. Ovo bi moga bit početak kvalitetneg turističkega razvitka.
Đirada kroz misto je ugodna samo je ščeta da se puno kuća dogradilo i nadogradilo kako je ko tija ali to je normalno za sva naša malo mista. Nima kontrole, nima plana gradnje svak je radija kako ga je voja.
Sve u svemu interesantno misto koje bi sa pametnon razvojnon vizijon moglo bit ugodno za živit i bavit se turizmom. Sva srića da je ostalo puno detaja koji nas vračaju u nika druga vrimena.
balancana 