Kaštela su drugi grad po veličini u našoj Županiji pa bi bilo za očekivat da tu ima kvalitetnih restorana…ajde nije da ih nima ali sve je to u nižeme segmentu kvalitete…ma sve je to sasvin solidno i prihvatjivo svakome takujinu…
Prije jedno po godine je u Kaštel Starome doli uz more di se nalazi prekrasna Pajićeva kuća je otvoren restoran Stalla nama je to, deja vu, jerbo je na pridnjoj bandi kuće 70ti godina bija restoran “Val” a tu san sa mojon suprugon prvi put iša na večeru…ali nek to ostane ka naš lipi sentiment…eto danas smo mi dvoje slavili 44 godine braka tako da nan je ovo misto i poprilično simbolično…
Restoran Stalla se bar ja tako mislin pozicijonira ka restoran middle of the road klase ali u visokome statusu…
Bilo nan je puno lipo a spiza je bila na vrlo solidnome nivou…o vinima neču puno ma dovojno je spomenit da smo pili Chard od Krole…a docnije i Caberenet Sauvignon – Merlot Barrique 2010 Krolo…ma divota…u prekrasnom interijeru sa vrlo kvalitetnon i profesionalnon poslugon Restoran Stalla je pravo misto za poč na večeru….
Evo van doli fotke pa pogledajte mi smo bili pre zadovojni…
