Davno je to bilo ka san ka dite iša u Kino “Marjan” na Prokurativama to su bila bezbrižna vrimena ali svemu dođe kraj pa tako i kinu “Marjan”…
Prije par godin san u foje pročita da se na temu mistu di je bilo kino otvara Grand cafe & restaurant Bajamonti…odma mi je bilo drago da če se to postat kultno misto Splita naše prikolipe Prokurative i prominit Prokurative na boje i bit misto di če se u svako doba godine moč guštat u kavci, bibiti oli se pripustiti gastronomskin užicima restaurant – a Bajamonti…
Prostor je arhitektonski gledajuči tako kvalitetno uređen da gosti mogu birat guštanje vanka na teraci, unutra u foajeu oli za gastronomske užitke na balkonu oli kako Francuzi kažu entresol – u… a i puno mi je drago da su pušači dobili svoj odvojeni prostor, ma tako i triba…
Za pohvalu je da se u Bajamontija često događaju urbane manifestacije od mužike oli prežence poezije i slično restaurant Bajamonti je posta dnevni boravak grada Splita, ma po meni svaki grad triba jemat jedno misto di se čovik more opustit popit kavicu čagod prizalogajit i vidit drage in face…
Sinočnji koncert Meritas-a i Jelene Radan je bija u stilu Bajamontija to je jedno pravo kulturno događanje na visokem nivou a ka se temu doda da je u kužini ka gost Chef bija Hrvoje Zirojević onda se cili koncept vrlo kvalitetno uklopija u ove pridblagdanske dane…
Tribamo skinit kapu vlasnicima Bajamontija koji su pripoznali ono ča je Splitu tribalo a to je da se uzdignu poviše prosječnosti gastro ponude i nađu svoj misto koje je na dobrobit svih nas…u tome stvarno uspjevaju pa in triba dat pohvalu jerbo nije mala stvar uvatit se ovega posla a ja to iz iskustva znan da to nije tako lako…
Drago mi je da mo vidili i par poznati Spliski faca ali ovod bi tija spomenit Magdalenu i Sašu Senjković…Sašu vrhunskog vinara sa čarobnoga Broča i Magdalenu koja je vrhunac kreativnosti, poezije i gastro znanja, njezini pijati su iskonski hedonizam Dračevice šesnoga mista u srcu Broča…meni puno dragi bračni par koji su privatno ali i ka poslovni partneri Bajamonitja bili na ovoj večeri eto tako se lavuraje uvik triba bit zajedno i u dobru i u tlu…
Hrvoja Zirojevića nesmin puno falit svitu moj nije to njemu baš tako drago ajde more sa par rići…ma on van je više čovik od samozatajnog kreativnog stvaranja…pofalija mi se da je brigada u kužini Bajmontija bila tako uigrana da mu je uživanje bilo u njiovoj kužini bit maximalno kreativan…a ja bi nadoda da je usluga u Bajamontju bila više nego korektna, apsolutno nenametjiva i sa maximalnin znanjen svoga posla…bravo…
Na kraju dvi do tri rići o večeri…ma o spizi ustvari neču ništa pisat eto van fotke…samo nikoliko rići Meštru…moj naklon Hrvoje…eto, mi smo guštali a bome i pijuckat Crljenak od Nevena Vuine njegov Zinfandel nan je bija taman po guštu…sa 14 gradi alkohola i sa zaokruženin okusom je izvrstan pratilac pogotovo divjači i janječe pašticade…ma ja san van lokalni patriota u Kaštelima san lavurava a tu Ona i ja živimo sa vrhunskon dozon hedonizma eto nama su Kaštelanska vina po miri a nestor Kaštelanskeg vinarstava je veliki Meštar o’vina Neven Vuina isto tako ka i Hrvoje samozatajan, radišan i sa velikon dozon znanja…za primjer mnogim vinarima u Kaštelima…
Inšoma…krasno misto, visoka kvaliteta i brižljivo izabrana vinska karta koja je za svu pohvalu jerbo svak more nač vino koje mu odgovara.
Vrime ja za poč doma…restaurant Bajamonti je misto di se jubiteji gastronomije uvik vračaju.
balancana 