Zima je ove zime ajmo reč nikakva. Eto bilo par dana leda pa su se i naši limuni smrzli i to je to.
A sa je sve nikako gnjilo vrime sa povremenin plavin nebon.
Đirade uz more su nan likarija za dušu i oći a bome se điraje i kroz Kaštelanska poja. Samo se čudin da malo svita jema tu naviku i da pravidu malo duže đirade sa umjerenin tempon odanja.
Bar je to mukte a za zdravje vride puno pogotovo ka se napunidu pluča sa friškon arijon sa Kozjaka i sa mora.
Uostaleme svak jema svoj život i nek ga organizira kaoo mu najboje paše.
Nama dvoje je ovo normalna stvar svakodnevno punjenje fizičkih i emocijonalnih baterija.
Evo još lipi kadrova iz još lipših Kaštela.
balancana 