Arhiva za Travanj, 2013

vrime je samo tako…fibra arije se diže a sve u đardinu i vrtlu buja…

Posted in gastro gušti i ladanje u dalmaciji... on Travanj 24, 2013 by balancana

Dosta je bilo kiša i ladnoče ma evo se konačno vrime smirilo i okolo nas sve buja da je divota gledat…iz zimskega vrtla san izvadija cviće koje je bilo u pitarima i meka sve vanka na teracu…kompost od lani san rasporedija ispod maslina…i stvorija novi prostor za kompostiranje…u vrtlu jema još malo kupusa, salate i raštike…češnjak je još u zemji a kapula polako reste…uskoro ču posadit i litnje verdure…u velikome san poslu u našoj kamenoj kućici di če bit Hedo Hram tako da niman puno vrimena…ali eto nadan se da ču ovega vikenda i to sredit…

IMG_0625 IMG_0628 IMG_0640 IMG_0669 IMG_0818 IMG_0825 IMG_1105 IMG_1233-001 IMG_1307 IMG_1308 IMG_1309 IMG_1310 IMG_1314 IMG_1315 IMG_1320 IMG_1323 IMG_1328 IMG_1329 IMG_1487 IMG_1488 IMG_1491

Oglasi

Zinfandel & Crljenak…

Posted in gastro gušti i ladanje u dalmaciji... on Travanj 15, 2013 by balancana

Eto došlo je i vrime da se napravi vinska tura putevima Crljenka…ekipa je raznolika Od Brazila, Jamerike, Niskozemske, Stari Grada, Biograda, priko Splita i ostali mista Dalmacije…aha, bilo je svita i iz Purgerlanda…a vrime je bilo ka naručeno, prolitnje sunce lipo grije, tako da je ova nedija pravi dan za saznat malo više o Crljenku…

Naša prva destinacija je bila puno šesni đardin kod Gospe od Stomorije di je na bokunu kamena isklesana zahvalnica Miljenku Grgiću na svemo onemu ča je ućinija da se Zinfandel potvrdi kao familija Crljenaka argumentiranom DNK metodon…

Tu je posađen i mali spomen vinograd od trsa Zinfandela iz Kalifornije i od trsa Kaštelanskoga Crljenka koji su pronađeni u vinogradu Ivice Radunića – Kida…a u njegovome vinogradu se dan danas nalazi osan trsa Kaštelankoga Crljenka i svi osan jemaju metalnu plombu koju su dobili nako ča se ustanovilo da sa mach DNK poklapa za uzorkom Zinfandela iz Kalifornije…

A ispod odrine u ladu čempresa su posađeni Primitivo, Zinfandel i Kaštelanski Crljenak tako de je Gospe od Stomorije postalo još jedno kultno misto za Jamerikance žejne znanja o povjesti njiovega kontinenta…rekli su mi da kad su Jamerikanci ovod di je ovi spomen vinograd da su uvik uzbuđeni sa tin saznanjem…ovo je pravi Kaštelanki Brand kojega čemo prezentirati vinskome svitu…

IMG_0744 IMG_0745 IMG_0746 IMG_0749 IMG_0753

Nek igre od kušavanj započmu pravc Kaštel Sučurac. Počeli smo kušavat u vinskome podrumu kod Tonća Kovača u njgovoj vinariji…igre kušanja Crljenka su otvorene i Putalj Crljenak je pokaza svu svoju lipotu i bouquet…uz malo sira, pršuta i par inčuna smo saznali korisne informacije o Crljenku Tonći je mladi i vrlo perspektivni vinar svoj poziv shvača vrlo ozbijno i po cili dan je u vinogradu oli podrumu…

Reka mi je da priprema nove nasade Crljenka ovi put nisan jema vrimen poč do vinograda ali drugon prilikon sigurno gren…ne samo poradi loza Crljenka vengo i poradi stotine metri suhozida kojin se Tonći ponosi…

IMG_0772 IMG_0773 IMG_0774 IMG_0775 IMG_0778 IMG_0782 IMG_0784

Nakon Kovača smo se upustili i pravu avanturu ka prvo spektakularna vožnja do priko 300 metri nadmorske visine di je vinograd Jakše Bedalova…pogled je stvarno fantastičan…nakon škljocanja fotoaparatima i sa puno uzdaha…aaaa,…smo započeli sa lipo olađenon Maraštinon i onda smo se uvatili Crljenka…

Krasan ugođaj je bit na teraci Jakšinoga imanja sa čašon Crljenka u ruci a pogled nan gre od vinograda pa sve do Dalmatinski škoji…sve nan je na dlanu…Jakša ka pravi domači je postavija na stol svega pomalo tako da se uz ugodne zalogaje guštalo u Crljenku…

IMG_0812 IMG_0824 IMG_0828-001 IMG_0836 IMG_0840-001 IMG_0842 IMG_0843 IMG_0853 IMG_0855 IMG_0869 IMG_0873 IMG_0875 IMG_0881 IMG_0883

Nako Bedalova smo se nakratko zadržali kod prekrasnoga vidikovca di je crikva Sv. Mihovila…

krasno misto za odmorit dušu i guštat u Perunikama Dalmaticama…oli ti Dalmatinskoga Irisa…

IMG_0888 IMG_0890 IMG_0893 IMG_0894 IMG_0897 IMG_0898

Dosta je bilo ti krasnih pogleda na Kaštela Split i škoje…gremo daje naša zadnja posjeta je kod vinarije Krolo u Strmendolcu…deboto smo došli do granice sa Bosnon i Hercegovinon…

U zaseoku Krolo je Dražan Krolo napravija pravo malo čudo…krasna kuća sa ugodnin prostorom sa goste tu je kraj kuće i zog za balote i travnjak za igranje di dica guštaju…malo niže se nalazi vinarija a još niže je vinograd…nakon domačega obida kojega je Karolina zajedno sa čerama spremila i guštanja u raznin Krolinin vinima vrime je da sespustimo do vinarije…

Dražan ka pravi domačin nas je pozva da sa čašama u ruci sađemo doli do vinarije i onda od suda do suda barique bačvav, punionica, ogromnih tankova kušamo njegova vina…od gušta smo slušali Dražana koji je strpljivo objašnjava procese rada u vinariji i sve do konačnog punjenja u boce i priprema za transport…

Vrlo interesantna štorija u nakon nje ugodna diskusija…ekipa je bila večinom iz turističkoga sektora i ovo je mnogima prvi kontakt sa procesom prerade grožđa i finalnoga proizvoda vina…a pogotovo Crljenka rekli su mi da se pogotovo Jamerikanci raspituju o Zinfandelu- Crljenku i da su neke informacije načuli u svojoj domovini  tako da je mnogima ovaj dan bio koristan i dobili su saznanja u Crljenku kojega če prenjeti svojim gostima…vinske ture putevima Zinfandela – Crljenka mogu počet…

IMG_0904 IMG_0907 IMG_0913 IMG_0915-001 IMG_0917 IMG_0919 IMG_0921 IMG_0926 IMG_0933 IMG_0949 IMG_0952 IMG_0963 IMG_0978-001 IMG_0980 IMG_0985 IMG_0987-001

Još malo pa če počet banjanje…

Posted in gastro gušti i ladanje u dalmaciji... on Travanj 10, 2013 by balancana

DIGITAL IMAGE DIGITAL IMAGE

Svitu moj evo van sva lipota Jadrana…eto još malo pa če počet i sezona banjanja i guštanja u najlipšeme moru ovega svita…ajde bar je to meni tako…ma znan jema na svitu još puno lipi mora…

rakija 129-001 rakija 249-001 solta 344 solta 368

Nezaboravni zalasci sunca su taman za odmaranje duše i pari se ka da je vrime stalo…

solta 369 stari trogir 035

Šesni mandrači, brodi nasuvo, žalo, jednostavnost života to je ono ča bi tribali očuvat i za generacije iza nas…

stari trogir 052 stari trogir 064

Ma ko more ovo platit salbun između škrapa a onda na kraju vale ova lipota od salbuna je taman za bacit  na picigin…

stari trogir 084 DIGITAL IMAGE

Ma bilo je dosta za danas eto ga na nek litnji gušti počmu…

DIGITAL IMAGE vienna 3068 vienna 3741 zagreb 044-001 zagreb 104

Uskrs u Niskozemskoj…

Posted in gastro gušti i ladanje u dalmaciji... on Travanj 4, 2013 by balancana

IMG_0069 IMG_0080 IMG_0088 IMG_0228 IMG_0280 IMG_0281 IMG_0303 IMG_0309 IMG_0310 IMG_0313 IMG_0319 IMG_0332 IMG_0342 IMG_0348 IMG_0352 IMG_0363

Nakon par tjedana guštanja sa unucima u Amsterdamu i Wassenarru došlo je vrime da se vratin doma i uvatin se prolitnje lavure u vrtlu, đardinu, Hedo Hramu i na našem škoju di nan je raj na zemji…posla je napritek ali nima veze dok je posla bit če i guštanja a ča bi drugo radija, visit u kafiču mi je kontraproduktivno tako da mi je najdraže malo čeprkat u vrtlu rizat, okopavat a usput popit kavicu sa Njon tako da su mi dani pripuni slatkih obaveza…a sa kad se malo aklimatiziran i uvatin mota pa ka se vrima pobojša e onda če bit novi fotki i novi guštanja u našoj nan lipoj Dalmaciji…

IMG_0369 IMG_0396