gastro nostalgija…kultna konoba “Konoba”…Anno 1979a…

Zanje tri šetimane san bija u Amsterdamu i obilazija kultna mista moje gastro prošlosti…lipe i šesne butiga die se prodaje porcelan, pazare za verduron i vinske podrume sa vinima iz cilega svita…razgovara san sa starin prijatejima o trendovima i tradiciji…uuuu, lipa su to bila vrimena ka smo kompa i ja se malo boemski a i malo avangardno probijali kroz svit gastronomije, to van je svit di su nemilosrdi zakoni tržišta i di danas jesi a sutra te nima…koji put je to poradi trendova a koji put i poradi nesnalaženja…

Ma trevija san jednega staroga gosta deboto mu je 8 banki a di mu neče bit ka je meni 64 banke…pa mi govori, ajme neznan ča bi prigorija da mogu još jedan put guštat u ugođaju vaše kultne konobe “Konoba” tek sad znan da ste uranili sa ton vašon idejon i koncepton…da je to sad bija bi još veči uspjeh i nebi se moglo nač mista za jist misec dana unaprid…ali svitu moj u životu van je sve onako kako se namisti…a mogu van reć da on nije jedini koji tako govori…svaki put kad nikoga trevin svi mi tako govore…eto jebiga, ma neka, miritalo je bit dil tega svita…

A kompa ča ti misliš jesan li posta malo sentimentalan po stare dane…jebiga nek je kako je, u svakom slučaju mi čemo sa našin gospojama ispratit Staru Godinu na tvome škoju a za vino i bibite ne brini bar tega jeman napritek…a i Ona moja če spravit čagod lipega ka i Tvoja a moga bi i ja zasuč rukave i meknit kapu na glavu…ti nan sredi stol i tavaje…moj kompa Dalmacija nan je pružila dosta tega i red je da jon i mi čagod vratimo nazad, guštanje u njezinoj lipoti i njezinome sporeme životu…ajde bilo je dosta…gren se ispružit sutra je novi dan i obaramo nove radne pobjede…

This slideshow requires JavaScript.

Oglasi

3 komentara to “gastro nostalgija…kultna konoba “Konoba”…Anno 1979a…”

  1. E moj kompa, je, malo si posta sentimentalan, ali imas i zasto! Bilo je to lipo vrime i niko nan ga ne more ukrast! Pa koliko je bilo tih clanaka po novinama, vec san bija zaboravija da ih je toliko bilo! Ti postajes sentimentalan a ja senilan, a sta ces, godine idu! Je jos malo pa ce i ova partit a mi ce mo je zajedno ispratit! Za bibite i ostalo se ne brinen, znan da ce mo mi sredit sta i kako triba. Ajde adio!

  2. […] koji put popijen bičerin…ajde moran priznat ka mi dođe moj kompa iz naše kultne konobe “Konoba” onda se znan malo zeletit, ma sva je sriča da kompa živi daleko…ali zato jeman puno […]

Komentiraj

Popunite niže tražene podatke ili kliknite na neku od ikona za prijavu:

WordPress.com Logo

Ovaj komentar pišete koristeći vaš WordPress.com račun. Odjava / Izmijeni )

Twitter picture

Ovaj komentar pišete koristeći vaš Twitter račun. Odjava / Izmijeni )

Facebook slika

Ovaj komentar pišete koristeći vaš Facebook račun. Odjava / Izmijeni )

Google+ photo

Ovaj komentar pišete koristeći vaš Google+ račun. Odjava / Izmijeni )

Spajanje na %s

%d bloggers like this: