Arhiva za Listopad, 2012

đem od kakija…

Posted in gastro gušti i ladanje u dalmaciji... on 13 listopada, 2012 by Dalmacija moja inspiracija

Susid mi je da nikoliko zrili kakija a meni nije tribalo puno nego san se odma uvatija lavure i napravija đem…sve san pasira sa mixerom doda cukra pa dva limuna i onda lagano kuvanje…ka se more potegnit štrika i da štrika ostane vidjiva onda je gotovo još samo nek malo prokuva ovako naopako u loncu i to van je to…delicije za naše unuka…        

Ovaj vrtuljak zahtijeva JavaScript

delicije za u maškadur…

Posted in gastro gušti i ladanje u dalmaciji... on 11 listopada, 2012 by Dalmacija moja inspiracija

Ovega lita je bilo svega u vrtlu jilo se pilo se i guštalo a ništo san i spremija za ovu zimu,..ma ne  samo za zimu vengo če tega bit i na promaliće…evo ja ču nabrojit onako nasumce čega sve jema…matar, na suncu osušene pomidore i balancane, na po suve pome oli ti polu mokre, masline, mlivena paprika u maslinovu uju, nešpula u lozovači, trišnje u lozovači, maginje, konšerva, kumqat, pesto od matičnjaka, tri vrste varenika, đem od maginja, na suncu osušena parika u maslinovu uju, đem od kakija, mišano povrče ala sataraš, kruškice od kapara,…ma dosta je bilo nabrajanja  evo van nikoliko fotki pa guštajte a ja gren doli u konobu da napunin maškadur…

kamena kućica, ma dobro napreduje restauriranje…

Posted in gastro gušti i ladanje u dalmaciji... on 9 listopada, 2012 by Dalmacija moja inspiracija

Deboto svaki dan san u kućici…uvik se nađe nikoga posla, meštri se smjenjuju, svak odradi svoj posal a ja moran sve da kontroliran jeli ispalo onako kako san tija…odma van moran reć da je komunikacija izvrsna…puno dobro se razumimo i sve gre po špagu…nacrt jacere san da jednem meštru i on če je salit od betona…letrika je sprovedena kanalizacija i voda također a počeli smo stavjat i nasače ispod greda…uskoro je montiranje jedne vertikale od četiri ipo metra dužine…to je za stabiliziranje skala i tavana…ostatak stabiliziranja  je na nosačima ispod greda…danas…9 listopada… san probija bužu za odvod pare iz kužine a i otvorija još jednu bužu u zidu…eto ga na to bi bilo sve…

košpice od grozje u maslinovu uju…

Posted in gastro gušti i ladanje u dalmaciji... on 7 listopada, 2012 by Dalmacija moja inspiracija

Evo san košpice prije pravjenja đema odvojia i dobro ispešta…sve san meka u jednu caklenku i zalija sa maslinovin ujen…to uje ču duperavat u kužini za diping oli za dekorativno nakapanje spize…uje od košpica je druga štorija to je cili proces i to uje more izdržat visoke temperature i puno se u gastronomiji duperaje…ali more i ovako, aromatiziranjen maslinovega uja…

 

bibite i ostale delicije…

Posted in gastro gušti i ladanje u dalmaciji... on 4 listopada, 2012 by Dalmacija moja inspiracija

Sa ka je lito partilo vrime je da se napravidu bibite…cilo lito su trišnje i nešpule bile u lozovači na suncu a i mendule sa svojin koricama takođe, danas san se uvatija lavure…sve san procidija i meka u ove magnumke a ono voća ča je ostalo san zacukrija i spremija nek se rastopi i to ču duperavat za dezerte…pijane mendule ču gratat, za sad su samo bibite žestice a vidit ču moga bi napravit i malo likera…eto ga na još me čeka sredit lavandu i osušeno dalmatinsko začinsko bilje i jesen more arivat…